终于等到文记开喇!

终于等到文记开喇!

今次个专栏决定用返真身同大家见面!慾女唔再係慾女,而係用真身Phoebe同大家继续分享美食。

专栏名改为「为何只有一个胃」,相信唔少人都有同感。虽然我嘅食量比一般人大(我认我为食又大食,吃得是福嘛),但我都係有啲嫌弃自己只得一个胃。既然係咁,就唔好嘥quota落啲伏嘢度喇!
 

讲返文记,其实由佢未拎米芝莲开始我已经个个星期捧场。虽然我唔係专业嘅食评人,亦唔知道一间食肆要有咩标準先有资格去拎米芝莲。不过,文记係我心目中绝对係on the list!初三嗰日心痒痒挂住文记,特登搭的士落深水埗搵佢,点知佢仲未开,失望而回。

痕到上个weekend,我终于食到我最爱嘅文记车仔麵!以车仔麵来讲,佢嘅味精算係好少好少,至少有味精敏感嘅我食完一啲事都冇。佢喺原址隔篱开咗间第二分店,环境企理卫生,味道亦都同隔篱老店一样好有水準。长情嘅我咁多年嚟都係食呢个组合:瑞士鸡翼(必食)、辣汁鱿鱼、冬菇(必必食)、萝蔔、鱼蛋配油麵,跟瑞士汁、小辣。食完你就会明点解一碗车仔麵要60几蚊都仲要排长龙等餐懵!


文记车仔麵
深水埗福荣街121号地下